გუშინ, "ლა ლიგის" მე–18 ტურში მადრიდის "რეალმა" "გრანადას" უმასპინძლა "სანტიაგო ბერნაბეუზე". პირველივე ტაიმში მასპინძლების უპირატესობა აშკარა იყო, რაც შედეგზეც აისახა. პირველი ნახევარი "ბლანკოსის" გამარჯვებით, 2:1 დასრულდა. თუმცა უნდა ვაღიაროთ, რომ სტუმრები პირველ ტაიმში ძალზე კარგად თამაშობდნენ. მეორე ტაიმის პირველივე წუთებზე გონსალო იგუაინმა მე–3 გოლის გატანა შეძლო და სხვაობა ორ ბურთამდე გაზარდა. თუმცა ყველაფერი ამით არ დასრულებულა. "თეთრებმა" კიდევ ორი გოლის გატანა შეძლეს და საბოლოოდ მატჩი "რეალის" გამარჯვებით, 5:1 დასრულდა. "ბლანკოსმა" ძალზე მნიშვნელოვანი სამი ქულა მოიპოვა. "ლა ლიგის" ცხრილს კლვავ "რეალი" ლიდერობს. ბომბარდირთა დავაში კი, პირველ ადგილს კრიშტიანუ რონალდუ იკავებს, რომლის ანგარიშზე 21 გოლია.



გოლები: კარიმ ბენზემა 20' (1:0), მიკელ რიკო 22' (1:1), სერხიო რამოსი 34' (2:1), გონსალო იგუაინი 46' (3:1), კარიმ ბენზემა 51' (4:1), კრიშტიანუ რონალდუ 90' (5:1)

"რეალ მადრიდი": კასილასი, ლასი, რამოსი, ვარანი, მარსელო, ხედირა, ალონსო, ოზილი (კაკა 67'), რონალდუ, ბენზემა (კალეხონი 53'), იგუაინი (ალტინტოპი 83').

"გრანადა": რობერტო ფერნანდესი, ალან ნომი, ლოპესი, დიკატე, გილერმო სიკეირა, მიკელ რიკო, იებდა (ფრან რიკო 62'), მარნტინში (აბელ გომესი 77'), უჩე, ბენიტესი, იგალო (გეიხო 67').

მწვრთნელები: ჟოზე მოურინიო და ფაბრი გონსალესი.
გაფრთხილებები: იგუანი (60 წ.თ), რობერტო (24 წ.თ)
არბიტრი: მუნის ფერნანდესი