ამ უიქენდზე გაიმართა საფრანგეტის ჩემპიონატის 23-ე ტურის მატჩები, სადაც ლიონის "ოლიმპიკმა" ვერ შეძლო "ტულუზის" დამარცხება და მხოლოდ უგოლო ფრეს დასჯერდა.

როგორც მოგეხსენებათ "ლიონს" მოუწევს დაპირისპირება მადრიდის "რეალის" წინააღმდეგ, "ჩემპიონთა ლიგის" 1/8 ეტაპზე. ამ მატჩში უდიდესი მოტივაცია აქვთ მადრიდელებს, რადგან 5 წლის შემდეგ პირველად აქვთ ასეთი რეალური შანსი მომდევნო ეტაპზე გასვლის და აუცილებლად ეცდებიან ნავსის გატეხვას და "ჩემპიონთა ლიგაში" წარმატების მიღწევას, ბოლო რამოდენიმე წლიანი ჩავარდნის შემდეგ, მაგრამ ამ ყველაფრის მიუხედავად არ უნდა დავივიწყოთ ლიონის "ოლიმპიკიც", რადგან მათ არც ისე სახარბიელო მდგომარეობა აქვთ თავიანთ ქვეყნის ჩემპიონატში და ყველანაირად შეეცდებიან ამ ტურნირზეც მაინც მიაღწიონ გარკვეულ წარმატებას.

ქვეყნის ჩემპიონატის მომდევნო, 21-ე ტური გაიმართა ესპანეთშიც, აქ მადრიდის "რეალი" "ესპანიოლს" დაუპირისპირდა, "ბერნაბეუზე" და 3-0 დაამარცხა, მაგრამ ამის მიუხედავად "რეალი" "ბარსელონას" მაინც 5 ქულით ჩამორჩება. ხოლო "ლიონი" საფრანგეთის ჩემპიონატში ჯერ-ჯერობით მეოთხე ადგილზე იმყოფება 40 ქულით, მას ასწრებენ მესამე ადგილოსანი, "ლილი" (41), მეორე ადგილზე მყოფი, მონპელიერი (45) და ჩემპიონატის ლიდერი, ბორდო (48). ამ ყველაფერთან ერთად "ლიონს მეოთხე ადგილისათვის ბრძოლაში ეცილებიან "მარსელი", "ოსერი" და "მონაკო", ასე რომ "ლიონს" ძალიან დიდი ბრძოლა მოუწევს, რათა მომავალ წელს "ჩემპიონთა ლიგაზე", ან თუნდაც "ევროპა ლიგაზე" გამოსვლის უფლება მოიპოვოს.

"ლიონი" - "რეალის" დაპირისპირება კი სამშაბათს, 16 თებერვალს გაიმართება, საფრანგეთში "ლიონის" მოედანზე.



ინფორმაციის წყარო:RealMadrid.com