კარიმ ბენზემა ფრანგული გამოცემა "France Football"-ის მიხედვით, საუკეთესო ფრანგ მოთამაშედ დასახელდა...

"France Football"- ის ჟიურის გადაწყვეტილებით, მადრიდის "რეალის" ფორვარდი ბენზემა საუკეთესო ფრანგი ფეხბურთელი გახდა. ჰოდა, ფრანგულმა გამოცემებმა ბენზემას ძველი მატჩები გაიხსენეს და ის 5 მათგანი გამოკვეთეს, რომლებშიც კარიმი შესანიშნავად თამაშობდა. მაშ ასე, დავიწყოთ:

ეპიზოდი № 1. ამხანაგური მატჩი: საფრანგეთი - ბრაზილია (1-0). 9 თებერვალი.



მან მოახერხა გოლის გატანა ინგლისის ნაკრებთან "უემბლიზე", ამის შემდეგ გავიდა სამი თვე და ბენზომ კიდევ ერთხელ მოახერხა თავის გამოჩენა «les Bleus»- ის რიგებში, ამჯერად კი ბრაზილიასთან. ამ მატჩში კარიმი საკმაოდ პროდუქტიული იყო: სწორედ მის გამო გააძევეს ერნანესი მოედნიდან, შექმნა რამდენიმე სახიფათო მომენტი და, რაღა თქმა უნდა, გაიტანა მატჩის ერთადერთი გოლი 54-ე წუთზე მენეზის შესანიშნავი სოლორეიდის შემდეგ. ეს კარიმისათვის მესამე გოლი გახდა ზედიზედ სამ სეხვედრაში "მამლების" რიგებში. ამგვარი რამ ბოლოს ტრეზეგემ შეძლო 2003 წელს. ყველაფერი ცხადი გახდა - ყველა დარწმუნდა, მათ შორის ყველა ფრანგი, რომ ნაკრებში ნომერ პირველი ფორვარდი გამოჩნდა. ამ შეხვედრის შემდეგ ბლანმა ბენზემასთან დაკავშირებით ასეთი რამ განაცხადა: "მისი ყოველი შეხება ბურთთან ხიფათის შემცველი იყო. დღეს კარიმმა დიდებული შეხვედრა ჩაატარა".

ეპიზოდი № 2. 2010/11 წწ. ჩემპიონთა ლიგის 1/8 ფინალი: "ლიონი" - "რეალი" (1-1). 22 თებერვალი.



ბენზემა ამ პერიოდში იმის დამტკიცებას ცდილობდა ჟოზე მოურინიოსთვის, რომ ის ძირითად შემადგენლობაში ადგილს იმსახურებდა და სულაც არ გააჩნდა ტყუილი და გადამეტებული პრეტენზია. "სტად ჟერლანზე" თამაში მისთვის ადვილი არაა, რასაკვირველია. მაგრამ მან მაინც მოახერხა გუნდის დახმარება ამ მნიშვნელოვან შეხვედრაში. იგუაინის ტრავმის გამო, ჟოზემ გუნდში ემანუელ ადებაიორი მოიყვანა, რაც, ნაწილობრივ, იმასაც ნიშნავდა, რომ პორტუგალიელი ფრანგის იმედზე ბოლომდე არ იყო, თანაც ის გუნდში ერთადერთი ნომინალური თავდამსხმელი გახდა. მან შეხვედრა სათადარიგოთა სკამიდან დაიწყო, შემდეგ შემოვიდა ტოგოელის ნაცვლად და 43 წამში თავის ყოფილ გუნდს გოლი გაუტანა. ჟოზემ კი, კარიმის შესაფერი თამაშის დარად, შეაქო შეგირდი და აღნიშნა მისი "ევოლუცია და მიღწევა". მოთამაშემ მოუს ნდობა გაამართლა, მან ხომ მომდევნო 5 სეხვედრაში 8 გოლი გაიტანა.

ეპიზოდი № 3. "ლა ლიგის" მე-3 ტური: "რეალი" - "ხეტაფე" (4-2). 10 სექტემბერი.



კარიმი - დუბლის ავტორი შეიქმნა (მე-13 წუთზე 1-0 და შემდეგ 3-1 69-ეზე). სწორედ ეს ორი გოლი გახდა მისი პირველი გოლები ესპანეთის პრიმერას ახალ სეზონში. ისინი გზავნილებივით იყვნენ, "მზად ვარ შრომისა და შეტევისთვის!". ბენზემა მოედანზე თავისი ნიჭისა და თავგანწირვირვის მიქსს ახდენდა, თავის შრომას ბრწყინვალება მიანიჭა. "ლოს ბლანკოსის" "ცხრიანი" თავისთვის საჭირო ქულებს იწერდა. მოედანი ოვაციების ფონზე დატოვა 89-ე წუთზე. მისადმი რომ ნდობა არსებობს კლუბისა და თავად ჟოზეს მხრიდან, უკვე ეჭვს აღარ იწვევს. "ის ძალიან შეიცვალა. მგონია, რომ მისი გადაცემები, უბრალოდ, ფანტასტიკურია", - შეაქო ჟოზემ ბენზემა. მისი როლი გუნდში კიდევ უფრო გაიზარდა...

ეპიზოდი № 4. ჩემპიონთა ლიგის მე-2 ტური: "რეალი" - "აიაქსი" (3-0). 27 სექტემბერი.



არავისთვის არაა საიდუმლო, რომ ბენზემას თამაში ევრო არენაზე უფრო გამოსდის. ასე იყო "აიაქსთანაც". «KB9»- ამ კიდევ ერთხელ დაამტკიცა, რომ ჩემპიონთა ლიგაზე გოლების გატანა უფრო ეხერხება (სულ 23 გოლი 23-წლის მოთამაშესთვის). ჰოლანდიელებთან შეხვედრისას ყველა დარწმუნდა, რომ გუნდს შესანიშნავად შეუძლია კონტრშეტევაზე თამაში. კარიმი კოლექტიური თამაშის ერთ-ერთი მონაწილე გახლდათ, სწორედ მან მიაწოდა პასი რონალდუს, ამ უკანასკნელმა კი ულამაზესი გოლი გაიტანა, ცხადია, მთლიანი კონტრშეტევის გათვალისწინებით. ცოტა ხნის შემდეგ მან თავადაც გაიტანა და განიმტკიცა ადგილი ძირითადში. ეს მატჩიც ჩაიწერა მის აქტივში.

ეპიზოდი №5. "ლა ლიგის" მე-16 ტური: "რეალი" - "ბარსელონა" (1-3). 10 დეკემბერი.



მადრიდულმა კლუბმა ვალდესის, ხოლო შემდეგ ბუსკეტსის შეცდომით ისარგებლა, 22-ე წამზე კი ბენზემამ გოლი გაიტანა და "ელ კლასიკოების" ისტორიაში ყველაზე სწრაფი გოლის ავტორი გახდა. მიუხედავად იმისა, რომ მან გოლის გატანა მეტოქის შეცდომის წყალობით მოახერხა, მან ეს გოლი, მართლაც, დაიმსახურა მისი ელეგანტურობის, შრომისმოყვარეობის და ბრწყინვალების გამო. ესპანურმა მასმედიურმა საშუალებებმა ფრანგი ფორვარდი ერთხმად დაასახელეს მატჩის საუკეთესო მოთამაშედ სამეფო კლუბის მხრიდან. მან მორიგი "კლასიკო" დათმო ამ წელს, მაგრამ დაიმსახურა პატივისცემა და დადებითი შეფასება., ის ხომ "სანტიაგო ბერნაბეუს" ხასხასა მინდორზე მადრიდელებიდან ნათელი წერტილი იყო და, შეგვიძლია ვთქვათ - ბევრმა ჩააგდო ეს თამაში, მაგრამ ამას ფრანგზე, მგონი, ვერ ვიტყვით, არა მხოლოდ გოლის გამო...

თავად კარიმი გასულ წელზე შემდეგნაირად ამბობს: "ჩემთვის 2011 წელი მეტნაკლებად წარმატებული გამოდგა, როგორც "რეალის", ისე ნაკრების რიგებში. ასეთი წოდების მოპოვება კი ჩემთვის დიდი პატივია და ამით კმაყოფილი ვარ. როცა ვხედავ მოთამაშეებს, რომლებმაც ადრე ეს ჯილდო მიიღეს, ზიდანს, ანრის და სხვებს, დიდ საიმაყეს ვგრძნობ იმის გამო, რომ ამ მოთამაშეებმა საშუალება მომცეს, მოვმხვდარიყავი ლაურეატებს შორის".

აშკარაა, რომ კარიმი კლუბისთვის უფრო და უფრო მნიშვნელოვანი მოთამაშე ხდება. იტანს გოლებს, თანაგუნდელებსაც ეხმარება, აქვს დიდი მონდომება და რაც მთავარია - მან ჟოზეს დიდი ნდობა მოიპოვა, რომელიც მას დიდი ხანი აკლდა...