მადრიდის "რეალის" მეორე გუნდი წელს გაცილებით დამაჯერებლად ასპარეზობს, ვიდრე მაშინ, როდესაც ბოლოჯერ შეძლო "სეგუნდას" უმაღლეს დივიზიონში მოხვედრა.

ამ მომენტისთვის "თეთრების" ანგარიშზე 53 ქულაა 25 ტურში - ეს იმას ნიშნავს, რომ მადრიდელებმა დაამხეს თავისი რეკორდი (48 ქულა ამდენივე ტურის შემდეგ), რომელიც 2004/05 წლების სეზონში დაფიქსირდა.

ჯერ კიდევ სეზონის დაწყებამდე, მწვრთნელებმა და კლუბის პერსონალმა საჯაროდ განაცხადეს, რომ გუნდის წინაშე ერთადერთი მიზანი იდგა - "სეგუნდაში" გადასვლა და სათამაშო კლასის გაუმჯობესება. ახლა, "კასტილია", ალბერტო ტორილის წყალობით, თავის ჯგუფს სათავეში უდგას 16 მოგებით, 5 ფრით და 4 წაგებით. საერთო ჯამში, რეკორდული 53 ქულით "თეთრები" ლიდერობენ "სეგუნდა ბ"-ს პირველ ჯგუფს.

"კასტილიას" წინა რეკორდი, როგორც გითხარით, 2004/05 წლების სეზონს ეკუთვნის. მაშინ, ლოპეს კაროს შეგირდებმა 25 ტურში 48 ქულა დააგროვეს (14 მოგება, 6 ფრე, 5 წაგება; 35 გატანილი გოლი, რაც წლევანდელ მაჩვენებელს 14- ით ჩამოუვარდება). ასე რომ, 8 წლის შემდგომ, "კასტილია" ყველაზე მეტად, ვიდრე ბოლო წლების განმავლობაში, ახლოსაა "სეგუნდას" უმაღლეს დივიზიონში მოხვედრასთან.



ინფორმაციის წყარო: RealMadrid.Com