გაზონი, რომელზეც მოსკოველებსა და მადრიდელებს მოუწევთ თამაში, ქალაქ ვალსშია დამზადებული, "POLIGRAS IBERICA SA"- ს ქარხანაში, ტარაგონის პროვინციაში, რომელიც კატალონიის ავტონომიური რესპუბლიკის შემადგენლობაში შედის.

როგორც ცნობილია, სტუმრებს ხელოვნურ გაზონზე მოუწევთ თამაში. სიცივე და გაზონის მდგომარეობა - ერთადერთი მიზეზებია, რის გამოც მოურინიომ გადაწყვიტა რუსეთის დედაქალაქში 19 თებერვალს ჩასულიყო. გუნდი "ლუჟნიკის" ხელოვნურ მინდორზე მატჩამდე რამდენიმე ვარჯიშს ჩაატარებს, რათა შეეგუოს იმ მკაცრ პირობებს, რომელიც არა მარტო მოსკოვში, არამედ მთელს რუსეთში სუფევს. აღსანიშნავია ისიც, რომ "ლუჟნიკის" სტადიონი იმ იშვიათ მოედანთა რიცხვს განეკუთვნება, სადაც ხელოვნური საფარია დაგებული. ხელოვნური საფარი "ლუჟნიკის" სტადიონზე 2008 წლის 28 ივნისს დაიგო. საინტერესოა ისიც, რომ ამ მინდორზე სათამაშოდ სპეციალური ტიპის ბუცებია საჭირო.

FIFA- ს წარმომადგენლებმა გაზონი უკვე დაათვალიერეს. მათი განცხადებით, "ლუჟნიკის" სტადიონზე არსებული მდგომარეობა ყველანაირ პირობას აკმაყოფილებს. მაგრამ აქამდე გაზონმა გამოიარა, უპირველეს ყოვლისა, რამდენიმე ლაბორატორიული ტესტი, კერძოდ: შემადგენლობა, მომსახურების ვადა, კლიმატური პირობები, ურთიერთმოქმედება ბუცებსა და მინდორს შორის. მეორე რიგში, შემოწმებულ იქნა გაზონის სტუქტურა, კონკრეტულად: გაზონის ზედაპირის ურთიერთქმედება ბუცთან და ფეხბურთელის რეაქცია ბურთზე უშუალოდ თამაშის მსვლელობისას.

მინდვრის მახასიათებლების მიხედვით, ფეხბურთის ასოციაცია მოედნის ორი ტიპის სერთიფიკატს გამოჰყოფს: დამოწმება ერთი ან ორი ვარსკვლავით ხდება. მეორე კატეგორიის სტადიონებს, რომელსაც ეკუთვნის ჩვენს მიერ ნახსენები "ლუჟნიკი", საკმაოდ მაღალი მოთხოვნილებები აქვთ. მეორე ტიპის სერთიფიკატის გაფორმება FIFA- სგან იმ ფაქტით იყო განპირობებული, რომ დედაქალაქური მოედნის საფარს შეუძლია ადვილად გადაიტანოს თოვლი და ყინვა, შეეგუოს ამინდის სწრაფ ცვალებადობას. ახალი გაზონის დაგებაში კლუბის ხელმძღვანელობას 200 000 ევრო დაუჯდა.


ინფორმაციის წყარო: As.com