მადრიდის "რეალი" საუკეთესო გუნდია, რომელსაც ყველაზე გრძელვადიანი წაუგებელი სერია აქვს გასვლით მატჩებში "ჩემპიონთა ლიგის" მონაწილე გუნდებს შორის. ევროპის ყველაზე პრესტიჟული ტურნირის ეგიდით, უკანასკნელი მარცხი მადრიდულმა კლუბმა 2010 წლის 16 თებერვალს იგემა. ორი წლის უკან, "თეთრები" ლიონის "ოლიმპიკთან" დამარცხდნენ, "სტად ჟერლანზე". ისიც უნდა ითქვას, რომ საკმაოდ ხანგრძლივი წაუგებელი სერია აქვს მოსკოვურ კლუბსაც. ამ მხრივ, "არმიელები" რეიტინგში მხოლოდ ხვალინდელ მეტოქეებს ჩამორჩებიან.



როგორც უკვე გითხარით, ესპანელებმა თავისი ბოლი გასვლითი შეხვედრა ორი წლის წინ დათმეს. ეს ყველაფერი მათთვის მეტად უხერხულ მოედანზე მოხდა. იმ დღიდან მოყოლებული, "რეალმა" შეძლო და წაუგებელი სერია შეინარჩუნა ისეთ სტადიონებზე, როგორებიცაა "ჟუზეპე მეაცა", "კამპ ნოუ", "ვაით ჰართ ლეინი" და "სტად ჟერლანი" (როგორც იცით, 2009/10 წლების 1/8-ფინალში განცდილი მარცხის შემდგომ, ეს გუნდები წლევანდელ სეზონში ისევ შეხვდნენ ერთმანეთს, ამჯერად ჯგუფურ ეტაპზე. ამ შემთხვევაში, "ბლანკოსმა" 0-2 გაიმარჯვა).

ბოლო შემთხვევა, როდესაც მოსკოვის "ცსკა" სტუმრად დამარცხდა ლიგის მატჩში, 2010 წლის 31 მარტით თარიღდება. მაშინ მოსკოველები მილანის "ინტერთან" დამარცხდნენ, რომელსაც ჟოზე მოურინიო წვთნიდა. ჟოზემ იმავე სეზონში სწორედ "სანტიაგო ბერნაბეუზე" შეძლო "ინტერნაციონალესთან" ერთად "ჩემპ. ლიგის" მოგება. მათი ("ცსკა") ასეთი შთამბეჭდავი სტატისტიკა იმითაა განპირობებული, რომ წინა სეზონში ისინი ლიგაზე არ ასპარეზობდნენ. რეიტინგში მესამე ადგილზე "მილანია", რომელმაც უკანასკნელი მარცხი გასვლაზე 2010 წლის 19 ოქტომბერს მადრიდის "რეალთან" იგემა, "ბერნაბეუზე".



ინფორმაციის წყარო: RealMadrid.Com