ფინალური სირენა - ეს იყო ნიშანი იმისა, რომ 19-წლიანი შესვენების შემდეგ "რეალ მადრიდის" საკალათბურთო გუნდმა სამეფო თასის ტიტული დაიბრუნა. მატჩის დასრულებისთანავე, დაახლოებით ათასმა მადრიდისტამ საყვარელ კალათბურთელებთან ერთად მიმდინარე სეზონის პირველი, და იმედია არა უკანასკნელი, ტიტულის მოპოვება აღნიშნა.

თასი გუნდის კაპიტანმა, ფილიპ რეიესმა და მიმდინარე გათამაშების MVP-მ, სერხიო ლულმა ასწიეს. შემდეგი მოთამაშე, რომლის ხელშიც ეს მეტად ნანატრი თასი მოხვდა, ველიჩკოვიჩი იყო. როგორც ხვდებით, "თეთრებმა" ზეიმი ქალაქ ბარსელონაში დაიწყეს. მას შემდეგ, რაც გუნდმა ოფიციალური ფოტო-სურათი გადაიღო თასთან ერთად, მშობლიურ მადრიდში გაეშურა El Prat- ის აეროპორტის მეშვეობით.

მადრიდში, Barajas- ის აეროპორტში, ჩემპიონებს ასობით ქომაგი დახვდათ. ცხადია, ისმოდა შეძახილები:"Champions, champions" და, რა თქმა უნდა, "MVP, MVP" - ლულის მისამართით. ამასთანავე, კალათბურთელებმა გულშემატკივართან ერთადაც გადაიღეს სურათები.

ამის შემდგომ, პაბლო ლასოს გუნდმა Asador de la Esquina- ის რესტორანში გადაინაცვლა, სადაც მას კლუბის პრეზიდენტი და ოფიციალური წარმომადგენლები დახვდნენ. "მინდა, მადლობა გადაგიხადოთ ამ პირველი ტიტულისთვის მიმდინარე სეზონში", თქვა პერესმა, "მშვენიერი თამაში გამოვიდა. კალათბურთი მუდამ "რეალის" გულში იყო. ჩვენი პროექტი, რომელიც პაბლო ლასოს გუნდში მოსვლას ისახავდა მიზნად, წარმატებით ფუნქციონირებს. 19 წლის შემდეგ, როგორც იქნა, გუნდმა თასი მოიგო".





ინფორმაციის წყარო: RealMadrid.Com