როგორც იცით, მადრიდის "რეალის" საკალათბურთო გუნდმა "ბარსელონას" დამარცხება შეძლო თასის ფინალში. მთლიანი გათამაშების MVP- ის წოდება (ანუ, ე.წ. "ყველაზე ღირებული მოთამაშე") კი, "ლოს ბლანკოსის" გამთამაშებელს, სერხიო ლულს ერგო. ესპანელმა ფინალურ დაპირისპირებაში 23 ქულას მოუყარა თავი (4/7 - საშუალოდან; 5/7 - პერიმეტრიდან), 5 შედეგიანი გადაცემა გააკეთა, ერთი ჩაჭრაც მიითვალა ანგარიშზე (მ.ქ.კ - 25).

"ფუენლაბრადას" წინააღმდეგ, ლულის მონაგარი რვა ქულა იყო, ამას მან ორი მოხსნა და სამი შედეგიანი გადაცემაც დაუმატა (9). რაც შეეხება "ბანკა სივიკასთან" მატჩს, ამ შეხვედრაში ესპანელ გამთამაშებელს 17 ქულა მოუგროვდა, ოთხ მოხსნასთან და შვიდ ასისტთან ერთად. საერთო ჯამში, ლულის საშუალო მაჩვენებელი ასე გამოიყურება (იგლისხმება მხოლოდ თასის წლევანდელი მატჩები - ავტ.): 16 ქულა, 2 მოხსნა, 5 ასისტი (18.7).


ინფორმაციიის წყარო: RealMadrid.Com