ოფიციალურად დადასტურებულია, რომ "ჩემპიონთა ლიგის" 1/8- ფინალური ეტაპის პირველი რაუნდის მატჩს, სადაც ერთმანეთს მოსკოვის "ცსკა" და მადრიდის "რეალი" შეხვდებიან, ბიორნ კუპერსი განსჯის. 38 წლის მსაჯი წარმოშობით გერმანელია. კუპერსს აქამდე "ბლანკოსის" არცერთ მატჩში არ უმსაჯია. სამაგიეროდ, გერმანელს "ცსკა"- სთან მიმართებაში გარკვეული გამოცდილება გააჩნია. 2008-09 წლების სეზონში, ევროპა ლიგის მატჩზე, სწორედ გერმანელ არბიტრს ანდეს "ცსკა"-ს თამაშის განსჯა, სადაც "არმიელები" დონეცკის "შახტარს" ხვდებოდნენ (2-0). "რეალის" გარდა, 38 წლის არბიტრს რამდენიმე ესპანური გუნდის თამაშზე უმსაჯია. სულ მას ამის გაკეთება 6-ჯერ მოუწია, საიდანაც 3 შეხვედრა ესპანელების გამარჯვებით, 2 ფრედ და 1 მარცხით დასრულდა.

ესპანური გამოცემა ’As’, ყურადღებას იმაზე ამახვილებს, რომ კუპერსს რეგულარულად "ჩემპიონთა ლიგის" მატჩებს ანდობენ. ბოლოს და ბოლოს, მას ისეთი თამაში აქვს ნამსაჯევი, როგორიც 2009 წლის ევროპის ჩემპიონატის ფინალია 21-წლამდელთა შორის. გარდა ამისა, გერმანელს გამოცდილება მსოფლიოს ჩემპიონატის ნახევარფინალებშიც აქვს მიღებული.

ესპანური პრესა იტყობინება, რომ ევროპის სუპერთასის წლევანდელ ფინალს სწორედ კუპერსი სჯიდა. როგორც იცით, იმ მატჩში "ბარსელონამ", კიდევ ერთმა ესპანურმა გუნდმა, "პორტუს" მოუგო (2-0). აღსანიშნავია ისიც, რომ პორტუგალიელებმა მატჩი 10 კაცით ჩაამთავრეს.


ინფორმაციის წყარო: RealMadrid.Com