მას შემდეგ, რაც დი მარიამ ტრავმა მოიშუშა, პირველად დაუბრუნდა მინდორს. გუშინდელი მატჩი სანტანდერის "რასინგის" წინააღმდეგ, რომელიც მადრიდელთა დამაჯერებელი გამარჯვებით, 4-0 დასრულდა, არგენტინელისთვის რიგით 50-ე ოფიციალური შეხვედრა გამოდგა "ლოს ბლანკოსის" რიგებში (საუბარია "პრიმერას" ეგიდით გამართულ დაპირისპირებებზე - ავტ.)

მიუხედავად იმისა, რომ არგენტინელს ორი არასრულფასოვანი სეზონი აქვს ჩატარებული მადრიდულ კლუბში, მას უკვე 50 ოფიციალური მატჩი დაუგროვდა ესპანეთის ჩემპიონატში. როგორც იცით, "ანხელიტო" გუნდს გასული სეზონის დასაწყისში შეუერთდა და მოურინიოს სასტარტო 11-ეულის უცვლელი წევრი გახდა. გეტყვით იმასაც, რომ მიმდინარე სეზონში, არგენტინელს 13 საგოლე გადაცემა აქვს. თანაც ეს ყველაფერი ხდება იმის ფონზე, რომ მას საკმაოდ დიდი დრო გაუცდა.

დი მარიას დებიუტი 2010 წლის 29 აგვისტოს შედგა, "ონო ესტადიზე", სადაც "მალიორკასა" და "რეალს" შორის გამართული დაპირისპირება ფრედ, 0-0 დასრულდა. მას შემდეგ, არგენტინელმა 11 გოლის გატანა მოახერხა.



ინფორმაციის წყარო: RealMadrid.Com