როგორც იცით, გასული ტურის მატჩში მადრიდელები "ლევანტესთან" მარცხდებოდნენ, მაგრამ პირველი ტაიმის მიწურულს ხელით თამაშის გამო მინდვრის დატოვება იბორას მოუწია. მუნუას პირის-პირ რონალდუ დადგა, რომელმაც უკვე ზედიზედ 21-ე პენალტის გამოყენება შეძლო "ლა ლიგაში".

როგორც ჩანს, კრიშტიანუ ამ მხრივაც ახლოსაა მორიგ რეკორდთან. ამ შედეგამდე მას მხოლოდ 4 თერთმეტმეტრიანის ზუსტად გარდასახვა აშორებს. აბსოლუტური რეკორდის დასამყარებლად რონალდუმ კუმანს (25), კუბალას (23) და მარანიონს (23) უნდა აჯობოს. ბოლო შემთხვევა, როდესაც მადრიდელთა 7-იანმა პენალტის გამოყენება ვერ შეძლო, 2009 წლის 5 დეკემბერს დაფიქსირდა. მაშინ პორტუგალიელს დიეგო ალვეშმა აჯობა, იმ დროისთვის "ალმერიას" კარის დარაჯმა. ამ დღიდან, რონალდუს რეგულარულად გააქვს გოლები პენალტიდან. 2009/10 წლების სეზონში რონალდუმ 3, 2010/11- ში - 8, ხოლო მიმდინარე სეზონში უკვე 10 თერთმეტმეტრიანი გამოიყენა.

გარდა ამისა, მხოლოდ ერთ სეზონში გატანილი თერთმეტმეტრიანების რაოდენობით, სიაში რონალდუ უკვე მესამე ადგილზეა (კუმანთან, მარანიონთან და კალდერონისთან ერთად - სამივე მათგანს ერთი და იგივე რიცხვი გამოყენებული პენალტების მოუგროვდათ; შნშ: იგულისხმება მხოლოდ "ლა ლიგის" მატჩები). ამ მხრივ, რეკორდი უგო სანჩესს ეკუთვნის. 1986/87 წლებში მან 12 პენალტი გაიტანა. მეორე ადგილზე "რასინგის" ექს-მოთამაშე სალვაა, რომელმაც ერთით ნაკლები გაიტანა (1999/00წ.).

როდესაც რონალდუ პენალტს ასრულებს, შანსი იმისა, რომ მეკარე გამოვა გამარჯვებული, მინიმალურია, რაც ეფექტურობის პროცენტული მაჩვენებლით აიხსნება (94% სიზუსტე). პროფესიონალურ კარიერაში სულ კრიშტიანუმ 49 პენალტი შეასრულა, მათგან 46 ზუსტად. "მან. იუნაიტედში" მან 21- დან 19 თეთმეტმეტრიანი გამოიყენა, "რეალში" - 25-დან 24. გარდა ამისა, რონალდუმ თავი ეროვნულ ნაკრებშიც გამოიჩინა (3-ჯერ).



ინფორმაციის წყარო: As.com