"ლევანტესთან" გამართული მატჩი სტატისტიკური თვალსაზრისით საკმაოდ მნიშვნელოვანი გამოდგა. გუნდმა შეძლო "სანტიაგო ბერნაბეუზე" ჩატარებულ ოფიციალურ მატჩებში 4000-ე გოლის გატანა. ისტორიული ბურთი რონალდუმ შეაგდო, რომელსაც ასისტენტობა კოენტრაუმ გაუწია. პორტუგალიური წყვილის დამსახურებით, მადრიდელთა შედეგიანი გადაცემების რაოდენობა "ლა ლიგის" მიმდინარე გათამაშებაში უკვე 50-მდე ავიდა. ამ შედეგის მისაღწევად, მოურინიოს გუნდს მხოლოდ 23 მატჩის ჩატარება დასჭირდა. გამოდის რომ, "თეთრები" საშუალოდ მატჩში 2.32 საგოლე პასს აკეთებენ.

მადრიდის "რეალმა" "ბარსელონას" 12 შედეგიანი გადაცემით აჯობა. გარდა ამისა, 2-ჯერ მეტი საგოლე გადაცემა მოაგროვა "ატლეტიკ ბილბაოსთან" შედარებით, ხოლო "გრანადას", რომელიც მეათე ადგილზეა, 5-ჯერ გაასწრო.



საგოლე გადაცემის გაკეთება მხოლოდ 12-მა ფეხბურთელმა შეძლო. მათ შორის დი მარია და იოზილი არიან გამორჩეულები, რომლებსაც, შესაბამისად, 13 და 11 შედეგიანი პასი ეკუთვნით მიმდინარე ჩემპიონატში. რონალდუ საერთო რეიტინგში მეოთხეა, ხოლო გუნდურ სტატისტიკაში - მესამე პოზიციას იკავებს (7 პასი).



ამ მხრივ, "თეთრებს" საუკეთესო მატჩი "სევილიასთან" და "ოსასუნასთან" ჰქონდათ (2-6 სტუმრად; 7-1 შინ). მიუხედავად იმისა, რომ დი მარიამ "ოსასუნასთან" ტრავმა მიიღო, უბრალოდ შთამბეჭდავი მატჩი ჩაატარა - 30 წუთში თანაგუნდელებს 3-ჯერ გაუწია ასისტენტობა. გუნდურ რეიტინგში მეოთხე პოზიციაზე ერთბაშად სამი ფეხბურთელია - სერხიო რამოსი, არბელოა და ქარიმ ბენზემა. სამივე მათგანს ამდენივე საგოლე გადაცემა აქვს გაკეთებული.



ინფორმაციის წყარო: RealMadrid.Com