გუშინდელი დაპირისპირება გონსალო იგუაინისთვის საიუბილეო, მე–200 მატჩი აღმოჩნად "თეთრების" რიგებში. 24 წლის არგენტინელ ფეხბურთელს კასილასისა და რამოსის შემდეგ მადრიდის "რეალში" ყველაზე ბევრი შეხვედრა აქვს ჩატარებული. იგუაინმა გუნდში მოსვლის შემდეგ ორი "ლა ლიგის" , ერთი ესპანეთის სუპერთასი და ერთის სამეფო თასის მოგება შეძლო.

გონსალოს დებიუტი 2007 წლის 10 იანვარს, სამეფო თასის 1/16 ფინალში, "ბენიტო ვილამარინზე" "ბეტისის" წინააღმდეგ შედგა. აღსანიშნავია, რომ იგუიანი გუნდის 20 საუკეთესო ბომბარდირთა სიაშია შესული. არგენტინელი ფეხბურთელი რაულის, დი სტეფანოს, სანტალიანას, პუშკაშის, სანჩესის, ხენტოს, პირრის, ბუტრაგენიოს, ამანსიოს და რონალდუს შემდეგ "ბლანკოსის" საუკეთესო ბომბარდირია.

არგენტინელმა ფეხბურთელმა მიმდინარე სეზონში უკვე 17 გოლის გატანა შეძლო. მან 14 გოლი "ლა ლიგაში" , ორი ჩემპიონთა ლიგაზე და ერთიც სამეფო თასზე გაიტანა.



ინფორმაციის წყარო: RealMadrid.Com