მას შემდეგ, რაც ესპანეთის ფეხბურთის ფედერაციამ "ბლანკოსისგან" უარო მიიღო "სანტიაგო ბერნაბეუზე" თასის ფინალის გამართვასთან დაკავშირებით, ეს საკითხი კიდევ უფრო პრობლემატური გახდა. ბოლო დღეებია, რაც ესპანური გამოცემების მთავარი გვერდები სწორედ ამ თემას ეძღვნება.

მადრიდული გამოცემა As- ის ოფიციალური ვებ-გვერდის მომხმარებელთა უმრავლესობა თვლის, რომ ფინალური მატჩი "სანტიაგო ბერნაბეუზე" არ უნდა გაიმათოს. "კოპას" უმთავრესი დაპირისპირების მადრიდში გამართვის წინააღმდეგ გულშემატკივართა 60% გამოვიდა. გამოკითხვა ავტორიტეტული ჟურნალის საიტზე ახლაც მიმდინარეობს. მონაწილეობის მიღება ნებისმიერ თქვენგანს შეუძლია. ამისთვის საჭიროა მოცემულ ბმულზე გადახვიდეთ და თქვენი მოსაზრება (კითხვა შემდეგნაირია:"გსურთ თუ - არა თასის ფინალი "სანტიაგო ბერნაბეუზე" გაიმართოს ?") დააფიქსიროთ.

როგორც იცით, თავად კლუბის ხელმძღვანელობამ უარი განაცხადა და თავი შეიკავა ფინალური მატჩის მასპინძლობისგან. "ბლანკოსის" ხელმძღვანელებმა თქვეს, რომ მატჩის წინა დღეს, "ჩემპიონთა ლიგის" ფინალი იმართება, სადაც არაა გამორიცხული მადრიდის "რეალმა" მიიღოს მონაწილეობა. ლიგაზე გამარჯვების შემთხვევაში, "თეთრებს" მეათე ტიტულის აღნიშვნა სწორედ "ბერნაბეუზე" მოუწევთ. ასე რომ, ორ დღეში სტადიონის გადაწყობა წარმოუდგენელი ამოცანა იქნება.


ინფორმაციის წყარო: As.com