სამეფო თასის ფინალური დაპირისპირება, სადაც ერთმანეთს ბილბაოს "ატლეტიკი" და კატალონიის "ბარსელონა" დაუპირისპირდებიან, "სანტიაგო ბერნაბეუზე" არ გაიმართება. სწორედ დედაქალაქური სტადიონი იყო ყველაზე პრიორიტეტული ვარიანტი იმისა, რომ ამ პრინციპული მატჩისთვის ემასპინძლა. მიუხედავად ბასკი და კატალონიელი გულშემატკივარის სურვილისა, მადრიდული კლუბის ხელმძღვანელობამ ფინალურ მატჩზე მშობლიური სტადიონის წარსადგენად უარი განაცხადა. ამის მთავარი მიზეზი კი ის იყო, რომ დედაქალაქელებს თავიდან აერიდებინათ ორი უპრინციპულესი და ისტორიული მეტოქის გაჩემპიონება და მადრიდულ ქუჩებში ზეიმი.

გარდა ამისა, შეგვიძლია გავისხენოთ 2004 წლის თასის ფინალიც, რომელიც "კამპ ნოუზე" უნდა გამართულიყო, მაგრამ "ბარსელონას" ხელმძღვანელობის სურვილისამებრ, მადრიდის "რეალისა" და "სარაგოსას" დაპირისპირება "მონტჟუიკზე" გაიმართა.

ასევე, არსებობს სხვა მიზეზებიც, რის გამოც "სანტიაგო ბერნაბეუ" თასის ფინალურ დაპირისპირებას ვერ უმასპინძლებს. უპირველეს ყოვლისა, რის შესახებაც შეიძლება ბევრი ვისაუბროთ ისაა, რომ გუნდი სრულიად კონცენტრირებულია "ჩემპიონთა ლიგაზე". ევროპის ყველაზე პრესტიჟული ტურნირის ფინალი 19 მაისს იმართება, შესაბამისად, ლიგის მეათე ტიტულის მოპოვების შემთხვევაში, "ლოს ბლანკოსს" ზეიმი "სანტიაგო ბერნაბეუზე" მოუწევს, სადაც ესპანეთის თასის ფინალური მატჩის გამართვას იმავე თვის 20 რიცხვში გეგმავდნენ. იმ ფაქტში ეჭვის შეტანა, რომ ორივე გუნდის ულტრასების მოქმედების ქვეშ მყოფი სტადიონი წერსიგში მოყვანას საჭიროებს და ამის მოსწრება ერთ ღამეში წარმოუდგენელია, ნამდვილად არ ღირს.

აზრთა სხვადასხვაობა შეუთანხმებელი კალენდარის გამოც არსებობს. თასის ფინალური მატჩის გამართვას 2 თარიღი უკავშირდება: თუ "ჩემპიონთა ლიგის" ფინალურ მატჩში, რომელიც 19 მაისს გაიმართება, თასზე მოასპარეზე არცერთი გუნდი არ იასპარეზებს (ამ შემთხვევაში მხოლოდ "ბარსას" აქვს ამის შანსი), მაშინ "კოპას" უმთავრესი დაპირისპირება 20 მაისს ჩატარდება. თუ კატალონიური კლუბი ევროპის ყველაზე მნიშვნელოვანი ტურნირის ფინალშიც გავა, მაშინ თასის გადამწყვეტი შეხვედრა უკვე 25 მაისისთვის გადაინაცვლებს.

მთავარი აზრთა სხვადასხვაობა აქ იწყება: "ატლეტიკი" თანახმაა ფინალური მატჩი "სანტიაგო ბერნაბეუზე" გაიმართოს. სტადიონზე, რომელიც 80 345 მაყურებელს იტევს (VIP ზონების გამოკლებით). ბასკების ქვეყანა მადრიდიდან 396 კმ- ითაა დაშორებული. თავად ბასკები კი, მზად არიან იმისათვის, რომ 35 000 ქომაგისთვის განკუთვნილი ბილეთების შესყიდვის უფლება მოიპოვონ.



ბასკური კლუბი ახლაც გამოხატავს აღშფოთებას 2009 წლის ფინალზე, რომელიც "ესტადიო მესტალიაზე" (ეტევა 55 000 მაყურებელი) იმართებოდა. მაშინ ესპანეთის ფეხბურთის ფედერაციის დაუდევრობის გამო, შეხვედრას მხოლოდ 18 720 ბასკი ქომაგი ესწრებოდა. მათი უმრავლესობა უბილეთოდ დარჩა.

მადრიდული "ვისენტე კალდერონის" ვარიანტიც თითქმის გამორიცხულია. სტადიონი 54851 გულშემატკივარს იტევს. მაგრამ ამ შემთხვევაში სხვა პრობლემა არის გადასაჭრელი: თუკი ფინალი სწორედ "ატლეტიკოს" სტადიონზე გაიმართება, აუცილებლობა მოითხოვს ის სწორედ 25 მაისს ჩატარდეს, ვინაიდან 20 მაისს ამ მოედანზე Coldplay- ს კონცერტის ჩატარება იგეგმება.

შესაძლოა, ალტერნატივის თვალსაზრისით "ბარსელონას" მშობლიური სტადიონიც იქნეს განხილული ("კამპ ნოუ", იტევს 98 772 მაყურებელს), მიუხედავად მანძილისა ბილბაოდან ბარსელონამდე (605 კმ.) და არახელსაყრელი ვითარებისა სტუმრებისათვის. ცხადია, ორმაგად რთული იქნება მათთვის მეტოქის სტადიონზე თამაში.

აღსანიშნავია ისიც, რომ სამეფო კლუბის ხელმძღვანელობამ ფინალური მატჩის მადრიდში გამართვაზე ცივი უარი თქვა. უნდა ითქვას, რომ ევროპის 2012 წლის ჩემპიონატისთვის მზადებას "ფურია როხა" 21- ში იწყებს. თუკი ფინალი 25 მაისს ჩატარდება, მაშინ ესპანეთის ნაკრების თავკაცს გეგმებში მცირე კორექტივების შეტანა მოუწევს.


ინფორმაციის წყარო: As.com