"სანტიაგო ბერნაბეუ", მთელი მადრიდი და მილიონობით გულშემატკივარი 4000-ე გოლის მოლოდინშია.

პირველი ოფიციალური მატჩი მადრიდის "რეალმა" "სანტიაგო ბერნაბეუზე" 1947 წლის 28 დეკემბერს გამართა. მაშინ, "თეთრებმა" ბასკურ "ატლეტიკ ბილბაოს" გამანადგურებელი სხვაობით, 5:1 სძლიეს. პირველი და ისტორიული გატანილი გოლის ავტორი ამ მართლაც შესანიშნავ არენაზე, ჩუს ალონსო გახდა.

და აი, 64 წლის შემდეგ, "ლოს ბლანკოსი" ისტორიულ ნიშნულს უახლოვდება. მადრიდელებს თავისი 4000-ე გოლის გატანა შეუძლიათ "სანტიაგო ბერნაბეუზე" (ითვლება მხოლოდ და მხოლოდ ოფიციალური მატჩები - ავტ. შნშ.).

სავსებით შესაძლებელია, რომ ეს ისტორიული რეკორდი "თეთრებმა" ვალენსიურ "ლევანტესთან" მატჩში დაამყარონ, რომელსაც მომავალ უქმეებზე გამართავენ.

კლუბს საკუთარ მოედანზე 3997 გოლის გასატანად 1508 მატჩის ჩატარება დასჭირდა (საშუალო გამოთვლებით, 2,6 გოლი მატჩში), რაც, დამეთანხმებით, ძალიან შესაშური შედეგია თითოეული კლუბისთვის. ასე რომ, წარმატება ვუსურვოთ საყვარელ ფეხბურთელებს.


ინფორმაციის წყარო: Marca.com