ესპანეთის 18-წლამდელთა ეროვნულმა ნაკრებმა ატლანტის თასზე ასპარეზობა დაიწყო. "ფურია როხამ" სადებიუტო მატჩი დანიასთან გამართა. ესპანელებმა სკანდინავიელ თანატოლებს ანგარიშით, 2:0 სძლიეს. ორივე გოლი მადრიდის "რეალის" მეოთხე ასაკობრივი გუნდის, "ხუვენილ ა"-ს ფეხბურთელმა, რაულ დე ტომასმა შეაგდო.

ესპანელები მომდევნო მატჩს კანარის კუნძულების ნაკრებთან ჩაატარებენ, ხოლო გადამწყვეტი დაპირისპირება მათ რუს თანატოლებთან ელით. აღსანიშნავია, რომ რაულ დე ტომასი მინდორზე 49-ე წუთზე გამოჩნდა. 77-ე წუთზე, მან სტანდარტულის ზუსტად გამოყენება შეძლო და ანგარიში გახსნა. პირველი გოლიდან შვიდ წუთში, ტომასმა დუბლი გაიფორმა და საბოლოო ანგარიშიც დააფიქსირა.


ინფორმაციის წყარო: Realmadrid.com