როგორც იცით, გასული "ელ კლასიკოს" მთავარი გმირი, მატჩის არბიტრი, ტეიშეირა ვიტიენესი გახდა. ესპანეთის ფეხბურთის ფედერაციის სააპელაციო კომიტეტმა ხსენებული დაპირისპირების უკლებლივ ყველა ეპიზოდი განიხილა, რომელიც მსაჯმა მატჩის პროტოკოლში შეიტანა.

მაშასადამე, მადრიდის "რეალის" მიერ შეტანილი აპელაცია უკვე გაუქმებულია. "ბლანკოსის" ხელმძღვანელები კლუბის ვიცე-კაპიტნის, სერხიო რამოსის, წითელი ბარათის გაუქმებას ითხოვდნენ, რომელიც სევილიელმა საეჭვო ვითარებაში მიიღო. დედაქალაქელების საჩივარმა შედეგი არ გამოიღო.

ასე და ამგვარად, ორივე ყვითელი ბარათი, რომელიც მარჯვენა მცველმა "ნოუ კამპზე" გამართულ 1/4-ფინალურ შეხვედრაში მიიღო, ძალაში რჩება. გამოდის რომ, მას თასის მომდევნო მატჩის გამოტოვება მოუწევს (მომავალი წლის პირველ სათასო შეხვედრაზეა საუბარი - ავტ. შნშ.). ამასთანავე, ჯარიმის სახით, კლუბის ხელმძღვანელობას 90 ევროს, ხოლო თავად მცველს - 600ევროს გადახდა მოუწევს.



ინფორმაციის წყარო: As.com