მადრიდის "რეალმა" აწ უკვე მისთვის ჩვეულ სტილში შეძლო მორიგი მეტოქის დამარცხება - გუნდმა იანვარში ჩატარებული 8 მატჩიდან 4-ში თამაშის შემობრუნება მოახერხა. ახლაც, როგორც უწინ, "თეთრები" მარცხდენობდნენ და სათავისოდ შემოატრიალეს მატჩის მიმდინარეობა. შეხვედრის დებიუტში მიღებული ლაფიტას გოლის შემდეგ, მოურინიოს შეგირდებმა უფრო უმატეს და, როგორც მოსალოდნელი იყო, შეძლეს "ლა ლიგის" უმთავრესი აუტსაიდერის დამარცხება. "სარაგოსამ" არცთუ ისე ურიგო მატჩი ჩაატარა, თუმცა კაკამ, რონალდუმ და იოზილმა მაინც შეძლეს თავის გამოჩენა. თავის მხრივ, "ბარსელონასამაც" ითამაშა "ვილიარეალთან". სანახევროდ ჩაძირულმა "ყვითელმა წყალქვეშა ნავმა" კი, ყველასგან გასაკვირად, შეძლო და ვალენსიაში "ლა ლიგის" მოქმედ ჩემპიონს უმნიშვნელოვანესი ქულები დაატოვებინა. ასე რომ, სხვაობა "ბარსელონასა" და მადრიდის "რეალს" შორის 7 ქულაა, რაც ამ უკანასკნელის გაჩემპიონების შანსებს ორმაგად ზრდის...





საინტერესო სტატისტიკა:
- მადრიდის "რეალმა" "ლა ლიგის" 20 მატჩიდან 17 მოიგო (ბოლო 16- დან 15) და 1960/1961 წლების რეკორდი გაიმეორა.
- "ლოს ბლანკოსმა" მეოთხედ ჩემპიონატში საკუთარ კარში გოლი პირველ 15 წუთში მიიღო.
- მადრიდის "რეალმა" 18- დან 15 მატჩში 3 და მეტი გოლის გატანა შეძლო მეტოქის კარში.
- იკერ კასილასმა "ბლანკოსის" მაისურით 602-ე მატჩი ჩაატარა და პაკო ხენტოს გაუთანაბრდა.
- მატჩებში, რომელშიც კაკას გოლი გააქვს და საგოლე გადაცემას აკეთებს, "რეალს" 100%-იანი შედეგი აქვს: 28 მოგება.
- რიკარდუ კარვალიუმ "ლოს ბლანკოსის" მაისურით პირველი საგოლე გადაცემა გააკეთა.
- მესუთ იოზილმა "ლა ლიგის" მიმდინარე გათამაშებაში პირველი გოლი გაიტანა.
- ესპანეთის ჩემპიონატის მიმდინარე გათამაშებაში იოზილის ანგარიშზე უკვე 16 საგოლე გადაცემაა.
- რონალდუმ "ლა ლიგაში" თავისი 90-ე გოლი გაიტანა 117 შეხვედრაში (სულ 117 გოლი 120 შეხვედრაში).
- რონალდუს სამი მატჩია ზედიზედ, რაც გოლიც გააქვს და ყვითელ ბარათსაც იღებს.