მადრიდის "რეალის" სამი ფეხბურთელი გამოძახებული იქნა ესპანეთის ნაკრების 19 წლამდელთა გუნდში. "კასტილიელები" ხესე როდრიგესი, ომარი და "რეალ მადრიდ ც"-ს დირეკ ოდესი საკუთარ გუნდში იხმო ესპანეთის 19 წლამდელთა ნაკრების მთავარმა მწვრთნელმა, ლოპეტეგმა და მადრიდელებმა უკვე ივარჯიშეს თანატოლ ესპანელებთან ერთად.

ესპანელთა ამავე ასაკის გუნდმა გასულ წელს მოიგო ევროპის ჩემპიონატი. მომავალ გაზაფხულზე კი ისინი ელიტ-რაუნდში დაუპირისპირდებიან ბელგიას, იტალიასა და სომხეთს. ჯგუფის ჩემპიონი კი გაემგზავრება ესტონეთში, სადაც მონაწილეობას მიიღებს ფინალურ ეტაპზე, რომელიც გაიმართება 3-დან 15 ივლისის ჩათვლით.

ომარი

"ძალიან გახარებულები ვართ. ჩვენ ძალიან ბევრს ვმუშაობთ საკუთარ თავზე და ახლა ჩვენი ეს შრომა კიდევ ერთხელ დააფასეს. თავდაუზოგავად ვვარჯიშობთ და ეს გვეხმარება, ვიყოთ კარგ სათამაშო ფორმაში. ყველაფერს გავაკეთებ, რომ ეს შანსი ბოლომდე გამოვიყენო".

დერიკი

"ამჟამად ძალიან კარგ ფორმაში ვიმყოფები, მაგრამ აუცილებლად ვიმუშავებ ჩემს თავზე, რომ ფორმა შევინარჩუნო. ჩვენ ძალიან კარგი გუნდი გვყავს და გარდა თანაგუნდელობისა, ძალიან კარგი მეგობრებიც ვართ. ჩვენს ასაკში ყველაზე კარგი თავის გამოჩენის საშუალება 19 წლამდელთა გუნდში თამაშია და ყველაფერს გავაკეთებთ, რომ ღირსეულად ვითამაშოთ და დავიცვათ ქვეყნის ღირსება".

ხესე

"ჩვენ ახლა მოკლების ნაცვლად, უფრო უნდა მოვუმატოთ ვარჯიშს, რადგან საბოლოოდ დადგენილი არაა ვინ ითამაშებს ქვეყნის ახალგაზრდულ გუნდში. გუნდის თავკაცმა უნდა ამოარჩიოს 18 ფეხბურთელი და იქ მოსახვედრად ძალიან ბევრი უნდა იშრომო, რაც იოლი ნამდვილად არაა. მე ყოველთვის ვამაყობ, როდესაც მიწევს ქვეყნის ეროვნული გუნდის ღირსების დაცვა".

ინფორმაციის წყარო:RealMadrid.Com