სულ ახლახანს, იკერ კასილასმა მორიგ საქველმოქმედო მატჩს გაუკეთა ორგანიზება, სადაც არაერთი ექს-მადრიდისტა იღებდა მონაწილეობას. მონაწილეთა შორის იყვნენ ფეხბურთელები, რომლებმაც კლუბის წინსვლაში უფრო დიდი წვლილი შეიტანეს, ვიდრე სხვებმა. მაგრამ მათ შორის იყო ადამიანი, რომელმაც მადრიდისტათა მოწონება არა გუნდის მიმართ დიდი დამსახურებით მოიპოვა, არამედ ის ჩვენს გულებში მუდამ დარჩება. განსაკუთრებით ირონიულია, რომ სწორედ სხეულის ამ ორგანოსთან დაკავშირებულმა პრობლემებმა აიძულა ეს ადამიანი, რათა ნაადრევად დაესრულებინა პროფესიონალური საფეხბურთო კარიერა. დიახ, ჩვენ ვსაუბრობთ რუბენ დე ლა რედზე - ბოლო წლებში მადრიდული კანტერის ერთ-ერთ ყველაზე ნათელ წერტილზე, რომელთან მიმართებაშიც, საუბედუროდ, ღმერთს სხვა გეგმები გააჩნდა...

ნაადრევი ასაკიდანვე რუბენი კლუბის ნაწილი გახდა და კანტერის უკლებლივ ყველა ახალგაზრდული გუნდი განვლო, და 2006 წელს, როდესაც კლუბის სათავეში ფაბიო აპელო იდგა, მან თავისი შანსი მიიღო. შანსი, რომელიც ფეხბურთელმა სრულიად გამოიყენა. მომდევნო სეზონის დასაწყისში რუბენი არენდის წესით "ხეტაფეში" გადაბარგდა. კლუბში, რომელიც მადრიდული კანტერის მოთამაშეებისთვის შემდგომში მშობლიური გახდა. დე ლა რედმა ბრწყინვალე სეზონი ჩაატარა, იმ იმედით, რომ იგი ბერნდ შუსტერის, რომელიც საფეხბურთო სამყაროს კაპელოს შემცვლელის როლში მოევლინა, ყურადღებას მიიქცევდა. ფეხბურთელი მშვენივრად თამაშობდა ნახევარდაცვის ცენტრში. უფრო მეტად კი, მან შორი დისტანციიდან ზუსტად დარტყმის უნარი შეიძინა. ნელ-ნელა რუბენი უფრო დავდაჯერებული ხდებოდა, რაც მას დაეხმარა არაერთი ულამაზესი გოლის გატანაში, არამარტო საკლუბო დონეზე, არამედ ეროვნულ ნაკრებშიც, 2008 წლის ევროპის ჩემპიონატზე. ასე რომ, "მადრიდმა" იპოვა კანტერანო, რომელიც გამოცდილებას უკვე პირველ გუნდში მიიღებდა.



საუბედუროდ, 2008 წლის 30 ოქტომბერს, "რეალ უნიონთან" მატჩის მსვლელობისას, რუბენი მოულოდნელად მინდორზე დაეცა. ის ყველასგან მოშორებით, მარტო იდგა და უეცრად გაზონზე დავარდა. ტრიბუნები დუმდა, ფეხბურთელებს შიშისგან სუნთქვა შეკვროდათ. მაგრამ, სამედიცინო დახმარების აღმოჩენის შემდეგ, დადგინდა, რომ ფეხბურთელი მწყობრში იყო. დროებითი სიმშვიდე მღელვარებამ შეცვალა, როდესაც კლუბმა ოფიციალურად განაცხადა, რომ დე ლა რედი სეზონის დასრულებას ვეღარ შეძლებდა. ამ საუბედურო ინციდენტიდან ორი წლის შემდეგ, თავად ფეხბურთელმა გულშემატკივარს კარიერის დასრულების შესახებ ამცნო, სიტყვებით, რომელიც მის კლუბისადმი უდიდეს სიყვარულს გამოხატავდა: "სამწუხაროდ, პრობლემების გამო კარიერის დასრულება მიწევს. შეიძლება, გულზე პრობლემები მაქვს, მაგრამ ის მუდამ "მადრიდისთვის" ძგერს".

კლუბმა განაცხადა, რომ ფეხბურთელისადმი მის მიმართ ნდობას მუდამ გამოხატავდა. ცოტა ხნის შემდეგ კი, ხელმძღვანელობამ რუბენს წინადადებით მიმართა. იმისათვის, რომ ის კლუბთან უფრო ახლოს ყოფილიყო, ახალგაზრდული ნაკრები უნდა გაეწვრთნა. მისი დახმარებით, "ხუვენილ ა" ასაკობრივი სექციის ჩემპიონი გახდა. უთუოდ, ეს სიახლე თითოეულ მადრიდისტას ღიმილს აჩუქებს (ფოტოზე სწორედ მას ხედავთ ახალგაზრდულ ნაკრებთან ერთად).



რუბენის კარიერა კი იმის თქმისკენ გვიბიძგებს, რომ ის საბავშვო ფეხბურთით იყო გატაცებული. სამწუხაროდ, მან ვერ მოახერხა გაეჩუმებინა ის ხალხი, ვისაც მადრიდული კანტერის სიძლიერეში ეჭვი შექჰონდა. შესაძლოა, ამ მაგალითით, კლუბმა უფრო მეტად გამოუცხადოს ნდობა კანტერის წარმომადგენლებს ? მაგრამ, ყველამ მშვენივრად ვიცით, რომ ფეხბურთში ამ სიტყვის ადგილი არ არის: "შეიძლება...". მიუხედავად ასეთი ტრაგედიისა, ის იქაა, სადაც მის გულს სურს. ის მუშაობს ბავშვებთან, რომელთა საუკეთესო მაგალითიც შეიძლება ვერ იყოს. ის ყოველთვის მადრიდისტათა გულებში დარჩება. მუდამ მადრიდისტა - რუბენ დე ლა რედი...