დღევანდელ შეხვედრაში, რომელსაც "რეალი" "მალიორკას" წინააღმდეგ გამართავს თბილისის დროით 23:00 საათზე, სამეფო კლუბის ფეხბურთელები მოედანზე სამგლოვიარო შავი სამკლავურებით გამოვლენ მილან მილიანიჩის ხსოვნის პატივსაცემად. "ლოს ბლანკოსს" მსგავსი რამ არაერთხელ გაუკეთებია და გამონაკლისი არც ეს შემთხვევა იქნება.

კლუბის ოფიციალურმა საიტმა უკვე გამოთქვა ღრმა მწუხარება კლუბის ყოფილი მწვრთნელის გარდაცვალებისდა გამო. აქვე კიდევ ერთხელ გეტყვით მილან მილიანიჩზე მცირე ინფორმაციას: ის სამეფო კლუბის მწვრთელი 1974/77 წწ. იყო, მოიგო ორჯერ შიდა ჩემპიონატი და ერთხელაც კოპა დელ რეი. "თეთრებმა" მისი მწვრთნელობის პირველ სეზონში მოახერხეს დუბლის შესრულება - მოიგეს "ლა ლიგა" და სამეფო თასი. ის ასევე "ცრვენა ზვეზდასა" და "ვალენსიას" წვრთნიდა, ასევე იყო იუგოსლავიის ნაკრების მთავარი მწვრთნელი. ერთ დროს იუგოსლავიის ფეხბურთის ფედერაციის პრეზიდენტის პოსტიც ეკავა.

ინფორმაციის წყარო: As.com