"რივერ პლეიტის" ვუნდერკინდისთვის, ლუკას ოკამპოსისთვის, უკვე ლონდონის "ჩელსი", მიუნჰენის "ბაიერნი" და მადრიდის "რეალი" იბრძვიან. არგენტინული კლუბის პრეზიდენტი, დანიელ პასარელა, ციურიხში გამართულ "ოქროს ბურთის" დაჯილდოების ცერემონიაზე იმყოფებოდა, სადაც მან სხვა კლუბის დირექტორებთან ერთად ევროპის საუკეთესო ფეხბურთელებზეც ისაუბრა.

"რივერ პლეიტში" ლუკას ოკამპოსის დებიუტი 2011 წლის აგვისტოს შედგა, მას შემდეგ ახალგაზრდა ფეხბურთელი გუნდის უცვლელი წევრი გახდა. გაზეთ 'Ole'- ს განცხადებით, ლუკასით ევროპული გრანდები ინტერესდებიან. მეტიც, სამხ. ამერიკული კლუბის პრეზიდენტს ოფიციალურადაც მიმართეს ტრანსფერთან დაკავშირებით. თუმცა, "რივერ პლეიტის" ვიცე-პრეზიდენტმა, დიეგო ტურნესმა განაცხადა, რომ ფეხბურთელი არსად წასვლას არ აპირებს.

"ლუკას ოკამპოსი ჩვენთან დარჩება, რადგან ის არ იყიდება" - განაცხადა სამხ. ამერიკული გუნდის ვიცე-პრეზიდეტნმა. თუმცა, ბოლო დროს გავრცელებული ხმების თანახმად, ლუკასი გუნდიდან იმ შემთხვევაში წავა, თუ მასში 10 მლნ. ევროზე მეტს გადაიხდიან. აშკარაა, რომ ოკამპოსში ძალიან ნიჭიერი ფეხბურთელი იმალება. ბოლოს და ბოლოს, არგენტინის 17-წლამდელთა ეროვნულ ნაკრებში "რივერის" მოთამაშეს უკვე უხმეს.

ეს კი ვიდეო ამ ახალგაზრდა ფეხბურთელზე:



ინფორმაციის წყარო: Goal.com