მანუელ პელეგრინი და მისი "მალაგა" უკვე რამდენიმე თვეა, რაც ესტებან გრანეროზე დაკვირვებას განაგრძობენ. ჩილელ სპეციალისტსა და აპონიოს შორის არსებული კონფლიქტი, რომელიც სეზონის დასაწყისშიც ნათელი იყო, კლუბის ხელმძღვანელობას იმისკენ უბიძგებს, რომ სერიოზულად დაიწყოს ამ უკანასკნელის შემცვლელზე ფიქრი. ანდალუსიელები ცენტრალური ნახევარმცველის ალტერნატივად ესტებან გრანეროს მოიაზრებენ. ასე რომ, "პირატა" მალაგელთა ერთ-ერთი მთავარი სატრანსფერო მიზანია. თანაც, თუ გავითვალისწინებთ იმასაც, რომ სწორედ პელეგრინის მადრიდულ ეპოქაში დაუბრუნდა გრანერო მშობლიურ კლუბს, მაშინ, ესპანელის "ბლანკოსიდან" წასვლის შანსები გაცილებით დიდია.

სწორედ ზემოთ ხსენებული ფაქტი ხდის გრანეროსთვის ბრძოლაში "მალაგას" მთავარ ფავორიტად. 'AS'- ის ცნობით, "ლა როსალედასა" და თავად ფეხბურთელს შორის კარგი ურთიერთობაა, შესაბამისად, ყველაფერი კლუბების ხელმძღვანელებზეა დამოკიდებული.

მადრიდის "რეალი" ყოველთვის ცდილობდა ზამთარში ფეხბურთელების გაშვებისგან თავი შეეკავებინა. თუმცა, როგორც ჩანს, კლუბი მზადა გრანეროსთან მიმართებაში გამონაკლისი დაუშვას. "თეთრები" "პირატას" მაქსიმალურ ფასში გაყიდვას ეცდებიან. სწორედ ფასთან დაკავშირებით შეექმნა პრობლემები "რეალ ბეტისსაც", რომელიც უდიდესი ფინანსური პრობლემების წინაშე დგას. ცხადია, "ლურჯ-თეთრები" გრანეროს არენდით აყვანაზეც არ იტყვიან უარს.

"პრემიერ-ლიგა"
აღსანიშნავია ისიც, რომ ინგლისის "პრემიერ-ლიგის" არაერთი კლუბი გამოთქვამს გრანეროს მიმართ ინტერესს. თუმცა, ხედირას ტრავმიანობამ შესაძლოა მოლაპარაკებები დროებით მაინც შეწყვიტოს.

მოურინიოს მოსვლის დღიდან ის უფრო ცოტას თამაშობს
პელეგრინის პერიოდში გრანერომ 31 მატჩი ჩაატარა, მაგრამ მოურინიოს მოსვლამ მასზე ცუდად იმოქმედა. პორტუგალიელი "პირატას" უფრო ნაკლებ სათამაშო დროს აძლევს. გასულ სეზონში მან მხოლოდ 19 მატჩი ჩაატარა, წლევანდელ სეზონში კი სულ 7- ჯერ მიეცა მინდორზე გამოსვლის საშუალება.


ინფორმაციის წყარო: AS