რამოდენიმე დღეა გავრცელდა ინფორმაცია იმის შესახებ, რომ მადრიდის "რეალი" აპირებს ანხელ დი მარიას ინგლისში გაშვებას, რამაც მადრიდელი გულშემატკივრების დიდი უკმაყოფილება გამოიწვია. თუმცა მიგელ პარდესამ სწრაფადვე დაამშვიდა "სამეფო კლუბის" ფანები, რამეთუ განაცხადა, რომ მადრიდელთა ხელმძღვანელობა არსად გაუშვებს არგენტინელ შემტევს.

მადრიდის "რეალმა" უცნობი "პრემიერლიგური" კლუბისგან მიიღო შეთავაზება - 42 მილიონი ევრო, ანხელ დი მარიას სანაცვლოდ. სწორედ ამ თანხის გაგონებაზე შეშფოთდა "თეთრი სამყარო", მაგრამ როგორც უკვე გითხარით, მიგელ პარდესა პასუხისმგებელია, არგენტინელის გუნდში დარჩენაზე, უახლოეს წლებში.

"ძალიან სასიხარულოა, რომ შემოთავაზებებს ვიღებთ, დი მარიას თაობაზე, რადგან ეს იმას ნიშნავს, რომ ჩვენ თავის დროზე წარმატებული ტრანსფერი განვახორციელეთ და ნიშნავს იმას, რომ დი მარია ჩვენს გუნდში მშვენიერ ფორმაშია და ძალიან კარგად გამოიყურება. თუმცა, მადრიდში გადმოსვლის დღიდან, დი მარიამ მოიგო გუნდის ხელმძღვანელებისა და გულშემატკივართა გულები და ყველას თავი შეგვაყვარა, ამიტომ ის კარიერას მადრიდის "რეალში" გააგრძელებს" - განაცხადა მიგელ პარდესამ, Canal Plus-თან მიცემულ ინტერვიუში.

23 წლის არგენტინელი "ბერნბაეუზე" "ბენფიკადან", 2010 წლის ზაფხულში გადმობარგდა და მის სანაცვლოდ მადრიდულ გრანდს 25 მილიონი ევროს გადახდა მოუწია. დი მარიას ამჟამინდელ კლუბთან კონტრაქტი 2016 წლის ზაფხულამდე აკავშირებს.

ინფორმაციის წყარო:Goal.Com