რიკარდო კაკას მიმართ კიდევ არ წყდება საუბარი. უკვე არაერთი კლუბი დაუკავშირეს ბრაზილიელს, რომლებიც მზად იყვნენ, საკმაოდ სოლიდური თანხა გადაეხადათ რიკისათვის. როგორც აღმოჩნდა, კაკასთვის მხოლოდ ევროპული კლუბები არ ინტერესდებიან...

ის ინტერესი, რომელსაც პსჟ ამჟღავნებს მადრიდელთა "რვიანისთვის", საიდუმლო ნამდვილად არავისთვისაა. ახლა კი, ფრანგებთან ერთად, კაკასადმი კიდევ ერთი ინტერესი გაჩნდა... ჩინეთში. ამ ინფორმაციის შესახებ Intermedio-ს საეთერო პროგრამაში გაიჟღერა "რადიო მარკაზე".

ჭორების მიხედვით, ჩინური კლუბი "შანჰაი შენჰუა", მზადაა, შესთავაზოს ბრაზილიელს 9 მილიონი ევრო, რომელსაც იგი წელიწადში მიიღებს სუფთად. შესაძლოა, ზოგიერთ თქვენგანს გეცნოთ ეს კლუბი - მან უკვე ფრანგი ფორვარდის, ნიკოლა ანელკას უფლებები შეიძინა. კლუბის პრეზიდენტს, რომელიც უფულობას ნამდვილად არ უჩივის, თურმე, ნუღარ იტყვით და, მადა გახსნია და გემრიელი ლუკმაც მონდომებია - ის სერიოზულად ფიქრობს რიკის გადაყვანას აზიის კონტინენტზე.

თუმცაღა, რაღა დასამალია და, რიკარდოს წასვლა მადრიდიდან ამ ზამთრის სატრანსფერო ფანჯრის დროს, ნაკლებად შესაძლებელია. მაგრამ ისიც სათქმელია, რომ, თუ ბრაზილიელი თამაშს ვერ გააუმჯობესებს, მაშინ კი მისი აბარგების საკითხი კვლავ აქტუალური იქნება. აი, რამდენად დათანხმდება კაკა ჩინეთში გამგზავრებას უცნობია, მაგრამ, რაღა დაგიმალოთ და, პირადად მე (ავტ.), რიკის წვრილთვალება ფეხბურთელებთან ერთად თამაში, არა მგონია, ძალიან უნდოდეს.

ინფორმაციის წყარო: Marca.com