ჟოზე მოურინიოს ინტერვიუ.

ღელავთ, რომ სიცივემ შეიძლება მატჩზე გავლენა მოახდინოს?
არა, ეს არ მოხდება. ასეთ ტემპერატურაში თამაშს მიჩვეულნი არ ვართ, მაგრამ მოთამაშეები ფსიქოლოგიურად ყველაფრისთვის მზად უნდა იყვნენ. ჩვენ ერთიანნი ვართ და ამბიცია გვაქვს. რთულ პირობებში შევებრძოლებით საკმაოდ უხერხულ მოწინააღმდეგეს.

როგორც ესპანეთში ჩატარებული შეხვედრებიდან ჩანს, "ცსკა" სუსტი გუნდია...
ვინც ასე ფიქრობს, ცდება. ამ გუნდის ფეხბურთელები ძალიან კარგად იცნობენ ერთმანეთს. მათ "ინტერსა" და "ჩელსიში" ყოფნის დროს დავუპირისპირდი და შემიძლია დაგარწმუნოთ, რომ ისინი ტაქტიკურად ძლიერნი არიან.

"ლა ლიგაში" არსებული დისტანციის გამო შეგიძლიათ უფრო მეტი ყურადრება დაუთმოთ "ჩემპიონთა ლიგაზე" წარმატებულ გამოსვლას...
ჩემთვის ჩემპიონატი ძალიან მნიშვნელოვანია, რადგან ეს ის ტურნირია, რომელშიც უკეთესი იმარჯვებს. "ჩემპიონთა ლიგაზე" ყოველთვის ასე არ არის, გამარჯვებული ყოველთვის საუკეთესო არ ხდება. როდესაც შიდა ჩემპიონატს იგებ, ეს მწვრთნელისთვის ბევრს ნიშნავს, რადგან იცი, რომ მთელი წელი კარგად იმუშავე. ერთ მატჩსაც არ მივუდგები არასერიოზულად და ისე ჩავატარებ, თითქოს "ბარსელონასთან" თანაბარი ქულები გვქონდეს. ამის დასამტკიცებლად ისიც კმარა, რომ "ცსკასთან" შეხვედრამდე ორი-სამი დღით ადრე "რასინგთან" მაქსიმალური დატვირთვით ვიასპარეზეთ.

მაგრამ "ჩემპიონთა ლიგა" მნიშვნელოვანია, რადგან მისი მოგებისთანავე კლუბებს ტოვებთ...
თუმცა მიზეზი ეს არ არის. "პორტუ" იმიტომ დავტოვე, რომ ჩავთვალე, ამის დრო იყო, სხვა ამბიციები მქონდა. "ინტერიდან" წამოსვლა ფინალამდე გადავწყვიტე.

თქვენს მომავალზე "ჩემპიონთა ლიგა" გავლენას არ მოახდენს?
არა.

ინფორმაციის წყარო: As.com