ყველას კარგად ემახსოვრება 1988 წლის 30 აპრილი, დღე როდესაც ლეგენდარულმა "ბუტრეს ხუთეულმა" კატალონიელთა მიერ გაკეთებულ საპატიო დერეფანში პირველად გაიარეს, თანაგუნდელებთან ერთად. ემილიო ბუტრაგენიოს, მანოლო სანჩისის,მარტინ ვასკესის, მიჩელ და მიგელ პარდესას სახელის გაგონებაზე "ლოს ბლანკოსის" გულშემატკივარს თვალწინ წარმოუდგება დიდებული ეპოქა , 80-იანი წლებისა, რომელთაც საფეხბურთო სამყარო აალაპარეკეს. "ბუტრეს ხუთეულს" კიდევ ერთი დიდებული მექსიკელი თავდამსხმელი, უგო სანჩესი უმშვენებდა გვერდს, რომელმაც ხუთჯერ შესძლო, გამხდარიყო "ლა ლიგის" ბომბარდირი და საპატიო ჯილდო, "პიჩიჩი" აღემართა. გარდა ამისა, ეს იმ ფეხბურთელთა თაობაა, რომელებიც ხუთჯერ გახდნენ ესპანეთის ჩემპიონები და ორგზის ჩემპიონთა ლიგის გამარჯვებულები.

აღსანიშნავია, რომ სუპერთასზე "რეალისა" და "ბარსელონას" შორის დაპირისპირება 1988 წელს დაიწყო. სწორედ, ამ ორმატჩიან დუელში დაიმსახურეს დედაქალაქელებმა პირველი საპატიო დერეფნის გაკეთება, რადგან ისინი პრიმერას გამარჯვებულის სტატუსით ესტუმრნენ კატალონიას. ამ დროს "სამეფო კლუბს" ჰოლანდიელი სპეციალისტი, ლეო ბეენჰაკერი წრთვნიდა. პირველი მატჩი "ბერნაბეუზე" მადრიდელთა გამარჯვებით 2-0 დასრულდა, ხოლო "ნოუ კამპზე" 1-2 დამრცხდნენ. მართალია, ბრძოლა წააგეს, მაგრამ ომში გაიმარჯვეს, რაც საკმარისი აღმოჩნდა იმისათვის, რომ აღენიშნათ საპატიო გამარჯვება სტადიონზე მარადიულ მტერთან.



მიუხედავად იმისა, რომ ამ სეზონში "რეალი" დომინირებდა ესპანეთში, მათ ვერ მოახერხეს ჩემპიონთა ლიგის მოგება. ამის ერთ-ერთი მიზეზი "ბუტრეს ხუთეულის" ასაკი იყო, რომლებიც წლების მატებასთან ერთად ვერ ახეხებდნენ სასურველი თამაშის ჩვენებას. იმავდროულად, "ბარსელონას" დაუბრუნდა ლეგენდარული იოჰან კრუიფი უკვე მწვრთნელის რანგში, რომელმაც ახალგაზრდული აკადემიის წყალობით მოახერხა დიდების ზენიტში აეყვანა "ბარსა". იმჟამინდელ "ბლაუგრანას", ვარსკვლავური შემადგენლობის გამო "ოცნების გუნდსაც" უწოდებდნენ.

1991 წლის ივნისში "სანტიაგო ბერნაბეუს" პუბლიკამ კატალონიელი ქომაგის ბედი გაიზიარა. კრუიფის "ოცნების გუნდმა" "ბლანკოსის" საპატიო დერეფანი გაიარეს, თუმცა ადოლფო ალდანას გოლის წყალობით დამარცხებული დატოვეს სტადიონი.



თითქმის ორმა ათეულმა წელმა განვლო, უკანასკნელი საპატიო დერეფნის შემდეგ. კლუბები ვერ ახეხებდნენ მსგავსი შედეგის განმეორებას. 2008 წელს მადრიდის "რეალის" დირექციამ ახალი მწვრთნელი მოიყვანა გუნდში, ბერნდ შუსტერის სახით. ამავე წელს კლუბში ახალწვეულებიც გამოჩნდნენ: უესლი სნაიდერი და არიენ რობენი. ჰოლანდიელებმა მარტივად განვლეს ადაპტაციის პროცესი და სულ მალე კლუბის წამყვან ფეხბურთელებად ჩამოყალიბდნენ. 2008 წლის 7 მაისს "ლა ლიგის" ჩემპიონობა იზეიმეს. ამჯერად, კვლავ "ბლაუგრანა" აღმოჩნდა დამარცხებულის როლში და იძულებულნი გახდნენ, თვით "სანტიაგო ბერნაბეუს" მოედანზე გაეკეთებიათ "თეთრებისთვის" დერეფანი. აღნიშნულ მატჩში "სამეფო კლუბი" დომინირებდა , რაც საბოლოო ანგარიშზეც აისახა. "მერენგებმა" 4-1 გაიმარჯვეს რაულის, რობენის, იგუაინის და ნისტელროის გოლების წყალობით.




ამ მომენმტისთვის "რეალი" პრიმერა დივიზიონს 58 ქულით ლიდერობს და 10 ქულით უსწრებს უახლოეს მდევარს. გულშემატკივართა აზრით, არსებობს რამოდენიმე მიზეზი იმისთვის , რომ 2008 წლის სცენარი განმეორდეს. თავდაპირველად კატალონიელთა პესიმიზმი. უკანასკნელ შეხვედრაში ისინი "სოსიედადთან" დამარცხდნენ. თითქმის ყველა ფეხბურთელმა განაცხადა, რომ მსგავსი სხვაობის აღმოფხვრა წარმოუდგენელია. გარდა ამისა , ტრავმირებულ ფეხბურთელთა რაოდენობამ,მეტოქეთა ბანაკში პიკს მიაღწია. ასევე აშკარაა, რომ არგენტინელი ვარსკვლავი, ლეო მესი ჩვეული ფორმიდან ამოვარდნილია. ამასთანავე, გუნდი წარმატებით ვერ ასპარეზობს გასვლით შეხვედრებში. მიუხედავად ყველაფრისა, სჯობს, დაველოდოთ მოვლენეთა განვითარებას. გამორიცხული არა არის, "ლოს ბლანკოსმაც" დაკარგოს ქულები. მთავარია, "ლა ლიგის" ჩემპიონის სტატუს დავეუფლოთ და ის "ოქროს ხანა" დაბრუნდეს, რომელიც თავზარს ცემდა საფეხბურთო სამყაროს.